Tuesday, August 9, 2016

සංසාර ආදරේ සත්වන කොටස





සැරෙන් සැරේ බලාපොරොත්තු බිද වැටි වැටි උනත් මං හදපු හීන මාළිගා ආයෙමත් වතාවක් මගේම දෙපතුළ ගාව කඩාගෙන වැටුණා.... තරංග එක්ක සතුටෙන්ම හිටපු දවස... මගේ මුළු ජීවිතේම සතුටින්ම ගෙවුණු දවස් දෙක මේ තරම් දුකක් වෙයි කියලා මම හීනෙන්වත් හිතුවේ නැ... කිසිදෙයක් හිතා ගන්න බැරුව තප්පර ගානකට මාව ගොළු උනා... එත් තරංග දැන්ම යයි කියලා මතක් උන නිසා මම එයාව තියාගන්න වචන ගලපන්න බැලුවේ මගේ ජීවිතය අයදින ගමන්...

" අනේ එත් තරංග.... "

" එත් නෙවේ දැහැමි තේරුම් ගන්න මම ඔයාට මේක හැමදාම කිවුවා... ඔයා හැමදාම අඩලා වැලපිලා මාව තියාගන්න හදනවා... මේකෙන් වෙන්නේ අපි දෙන්නගෙම ජිවිත විනාස වෙන එක... අර අහිංසක කෙල්ලගේ ජීවිතෙත්... පිල්ස් අදින් පස්සේ මේක කරන්න බැ... අපි එක තේරුම් අරන් ජිවත් වෙමු... "

" ඔයා කොහොමද මට මෙහෙම කරන්නේ තරංග... මං කොහොමද ඔයා නැතුව ජිවත් වෙන්නේ... "

" දැහැමි ඔයා හරියට කතා කරන්නේ මම ඔයාගේ ජිවිතේ විනාස කළා වගේ නේ... වෙන කොල්ලෝ වගේ මම ඔයාගෙන් අයුතු ප්‍රයෝජන ගත්තද? නැ නේ... එහෙම වෙලත් ඇයි මං කියන දේ තේරුම් නොගෙන මෙහෙම කතා කරන්නේ.... "

" මට තේරෙනවා එත් මට ඔයා නැතුව ජිවත් වෙන්න බැ තරංග... "

" අන්න දැක්කද ඔයා මට කලින් මොනවද කිවුවේ... ඔයා කිවුවා රාධා ආව දට යන්න දෙනවා කියලා... එත් දැන් ඔයා කියන දේ බලන්න... ඔයාට තේරෙනවා නේද කොව්චර අමාරුද කියලා... අනික ඔයාට වඩා සම්භන්ධයක් මට රාධා එක්ක තියනවා... වැඩිම උනොත් මම ඔයාගේ අතින් අල්ලා ඇති... එත් රාධා එක්ක මම හැමදේම කරලා තියනවා... ඔයාට මම නැතත් වෙන කෙනෙක් බදින්න පුළුවන්... එත් එයාට බැ... මමයි ඒවාට වග කියන්න ඕන... මම එදා ඉදන් මේක ඔයාට කියනවා... ඒ අස්සේ මම ඔයාවත් යාලු කරන් මේ කරන්නේ අපි හැමෝවම අමාරුවේ වැටෙන වැඩක්... ඔයාට තේරෙනවා නේ... මට මේක හැමතිස්සෙම කියා කියා ඉන්න බැ තේරුම් ගන්න ප්ලීස්... "

" හරි මට තේරෙනවා... මම ඔයාව එයා ආව දාට නතර කරන්නේ නැ... එයා එක්ක යන්න.... මම එක පොරොන්දු වෙන්නම්... එත් එතකන් මාත් එක්ක ඉන්න... ප්ලීස්... මම මගේ ජිවිතේ වෙන කවුරුත් නැ කතා කරන්නවත් ඔයා ඇරුනහම... අනේ ප්ලීස් තරංග... "

" ඔයා කොච්චර කිවුවත් තේරුම් ගන්නේ නැ නේ දැහැමි.... මං ඉන්නම් හැබැයි ආයේ කවදාවත් හම්බ වෙන්න බැ... ඔයා මං මත යැපෙන්න එපා... "

එදා ඒ කතාව එතනින් ඉවර උනා... කිවුවා වගේම එයා ආයේ මාව හම්බවෙන්න ආවේ නැ... තරංග ඊට පස්සේ මාත් එක්ක කතා කලේත් හරි අඩුවෙන්... කෝල් එකක් නම් කවදාවත් ගත්තේ නැ... එයාට ඕන උනේ මාව එයාගෙන් ඇත් කරන්න... නිතරම වගේ ඒ කතා නිසා අපි අතර රණ්ඩු ඇති උනා... විශේෂෙන්ම රාධා එයාට කෝල් කල දාට.... තරංග ඒවා නිසා ගොඩක් දුක් උනා... එත් මට නම් තේරුණ එකම දේ ඒ කෙල්ල එයාව රවට්ටනවා කියන එක විතරයි... එත් ඒ ඇයි කියන්න හේතුවක් මට තේරුනේ නැ... එක කියපු හැම වෙලාවකම එයා මට බැන්නා... වෙලාවකට හිතුනා ඒ කෙල්ලව හොයාගෙන ගිහින් තරංගව මගෙන් ඇත් කරන්න එපා කියලා ඉල්ලන්න... එත් මගේ සැකේ ඇත්ත නම් ඒ කෙල්ල එක තරංගට කියලා එයාට මාව එපා වෙන තැනට වැඩ කරන්න පුළුවන් කියලා හිතුන නිසා ඒ අදහසත් අත් ඇරලා දැම්මා... මට කියලා කරන්න කිසි දෙයක් තිබුනේ නැ අඩනවා ඇරෙන්න... දුක කියන්න අම්මෙක් තාත්තෙක් නැති මට අඩන එක තරම් සහනයක් විසදුමක් වෙන තිබුනා කියලා අදටත් මට හිතෙන නැ... ඉස්සර අපි හම්බුන දවස් වල ඉදන් මායි තරංගයි සින්දු කැලි මැසේජ් කරගන්නවා අපෙ ආදර කතාවට ගැලපෙන හිතට එන ඒවා... එත් දැන් නම් එහෙම උනේ නැ මාස ගානකින්.... එත් එක පාරටම දවසක් තරංගගෙන් මැසේජ් එකක් ආවා සින්දු කැල්ලක්...

" යන්න මද නළේ
   පවසන්න දුක මගේ
   යන්නට හැක්කේ නුඔට පමණයි
   සිර ගෙයට ඇගේ.... "

හැමතිස්සෙම තරංග වෙනස් වෙලා මට ආදරේ කරයි කියලා බලන් හිටපු මට මේක දැක්කම පුදුම කලකිරීමක් ඇති උනේ... එදයින් පස්සේ තරංග වැඩියෙන් ඒ වගේ හිත රිදෙන දේවල් කළා මාව ඇත් කරන්න...  වැඩි කාලයක් එහෙම ඉන්න උනේ නැ ගහෙන් වැටුණු මිනිහට ගොනා ඇන්නා වගේ අපේ ගෙදර වහලේ මහා රෑ කඩාගෙන වැටුණා... හොදටම දිරලා කැලි කඩාගෙන වැටි වැටි තිබ්බ වහලේ සති ගානක් එක දිගට තිබ්බ වැස්සට පෙගිලා උළු බර වෙලා කඩා වැටෙන බව මං කලින් දැන්න් හිටියට ඒකැ හදන්න තියා එදා වෙලා කන්නවත් මං අතේ සල්ලි තිබ්බේ නැ... ගේ කඩා වැටුන එක තරංගට කිවුවම එයා කිවුවේ එවෙලේ රැම වෙන ලග ගෙදරකට යන්න කියලා... එත් අපේ ගමේ කවුරුත් වත් නෑදෑයෝ වත් අපේ උදවුවට ආවේ නැ සති ගානක් ගියත්... මහා වැස්සට තෙමි තෙමි කාගේවත් හවූහරනක් නැතුව මායි මල්ලියි ඒ ගෙදර මාසයක් ගෙවෙන්නත් ලගයි දැන්....




- මතු සම්භන්දයි -













1 comment:

  1. ලස්සනයි. පොඩි කොටසක් වුණත් සම්පූර්ණ ගතියක් තියෙනවා.

    ReplyDelete